एवढाच काय तो फरक आहे त्यांच्यात अन माझ्यात . . .
ते जातात शिवालयी
मी मादिरालायी
एवढाच काय तो फरक आहे त्यांच्यात अन माझ्यात . . .
ते सदा नामजपात दंग
मी नेहमी प्याल्यात धुंद
एवढाच काय तो फरक आहे त्यांच्यात अन माझ्यात . . .
ते स्वताला म्हणवून घेतात
भक्त , विरक्त , योगी , जोगी
मी मात्र म्हणवतो
आसक्त , आरक्त , अनुरक्त ,भोगी
एवढाच काय तो फरक आहे त्यांच्यात अन माझ्यात . . .
ते माळतात रुद्राक्ष कंठी
मी त्याच कंठाखाली रिचवतो द्राक्षबेटी
एवढाच काय तो फरक आहे त्यांच्यात अन माझ्यात . . .
त्यांना त्यागायचा आहे संसार
मिळवायला मुक्तता
मी तर कधीच विसरलोय दुनिया ..
मग याहून वेगळी काय असते मुक्तता
मग आता तुम्हीच सांगा काय फरक आहे त्यांच्यात अन माझ्यात . . .
----- विशाल
No comments:
Post a Comment