सावरण्या ती ही नव्हती
स्मरणांची सर झरताना
सागरा यायची भरती
मी पहायचो क्षितिजाला
नावेच्या कोनाड्यातून
माझ्याच हृदयामधला
मी तरंग पाण्यावरती
आकाश प्यायचे लाली
सोबती सांज गाणारी
भगवी एक सुरावट
ओठात ओघळत होती
तीज फितूर का हा वारा ?
अस्वस्थ होऊनी फिरता
मीच मनातून चंचल
माझीच मला ना गणती
मिटताच पापणी ओली
थेंबात साचला दर्या
जपलेले स्वप्न अपुरे
बुबुळात लावूनी पणती
क्षण सरते, ढळता सूर्य
उरलेलो मी ही जरासा
पाण्यावर आता केवळ
अंधुकशी छाया विरती
----- विशाल
No comments:
Post a Comment