 |
Thursday, March 31, 2011
Wednesday, March 30, 2011
मन भरकटलेले दूर
सावरण्या ती ही नव्हती
स्मरणांची सर झरताना
सागरा यायची भरती
मी पहायचो क्षितिजाला
नावेच्या कोनाड्यातून
माझ्याच हृदयामधला
मी तरंग पाण्यावरती
आकाश प्यायचे लाली
सोबती सांज गाणारी
भगवी एक सुरावट
ओठात ओघळत होती
तीज फितूर का हा वारा ?
अस्वस्थ होऊनी फिरता
मीच मनातून चंचल
माझीच मला ना गणती
मिटताच पापणी ओली
थेंबात साचला दर्या
जपलेले स्वप्न अपुरे
बुबुळात लावूनी पणती
क्षण सरते, ढळता सूर्य
उरलेलो मी ही जरासा
पाण्यावर आता केवळ
अंधुकशी छाया विरती
----- विशाल
Tuesday, January 25, 2011
कधी तू...
कधी तू चमचम करणारी चांदण्यात
कधी तू कोसळत्या धारा थैमान वारा
बिजलीची नक्षी अंबरात
सळसळत्या लाटा भिजलेल्या वाटा
चिंब पावसाची ओली रात
कधी तू ....
कधी तू अंग अंग मोहरणारी
आसमंत दरवळणारी
रातराणी वेड्या जंगलात
कधी तू हिरव्या चाफ्याच्या पाकळ्यात
कधी तू.....
जरी तू कळले तरी ना कळणारे
दिसले तरी ना दिसणारे
विरणारे मृगजळ एक क्षणात
तरी तू मिटलेल्या माझ्या पापण्यात
कधी तू.....
Subscribe to:
Posts (Atom)