भक्त

आकस्मिक नसे मीच ठरवून गेलो
तुला शोधतानाच हरवून गेलो

रीती जाहली ही कधी दानपात्रे
मुखी घास उष्टा मी भरवून गेलो

हिऱ्या माणकांच्या त्या झगमगत्या राती
दिपलो काजव्यापरी नि मिरवून गेलो

झाकला मी एक डोळा हासलो गाली जरासा
अखेरच्या श्वासातसुद्धा मृत्यूला चिडवून गेलो

अंतरे प्रस्थापितांची खडबडून जागृत झाली
कोंबडा उठलाच नव्हता, मी होतो... आरवून गेलो

पत्थरी देवास माझी समजली नाहीच भक्ती
तो बोलला मी फक्त त्याचे उंबरे झिजवून गेलो

-- विशाल (०३/०६/२०१७)

दुसरे काही

भासांना सहवास म्हणू कि दुसरे काही ...
आठवणींना त्रास म्हणू कि दुसरे काही

क्षणा क्षणाला मरण झेलूनी जिवंत आहे
ही जगण्याची फूस म्हणू की दुसरे काही

पुंडलिकासम दारावरती उभा विठोबा
वीट फेकुनी बैस म्हणू की दुसरे काही

कितीजणी सांगतात या जागेवर ताबा
ऐसपैस हृदयास म्हणू की दुसरे काही

नीतीच्या कुंपणात बंदी लाख श्वापदे
स्वतःस मी माणूस म्हणू की दुसरे काही

सुबक मांडणी शब्द बांधणी छंदामध्ये
कवितेला आरास म्हणू की दुसरे काही

कवी थोर पण कविता काही कळली नाही
खास म्हणू बकवास म्हणू की दुसरे काही

समुद्र मिळुनी घोटभराची तृषा ना शमली
याला नक्की विकास म्हणू की दुसरे काही

बलिदानाने दाटून आल्या आकाशाच्या
रंगाला तांबूस म्हणू की दुसरे काही

इथे तिथे अन तिथे असेल का दुसरे काही
आयुष्यभर हव्यास म्हणू की दुसरे काही

खिचडी केळी बर्फी आणि भगर संपली
एकादशीस उपवास म्हणू की दुसरे काही

दुसरे काही म्हणू कशाला मी कोणाला
दुसरे मीच स्वतःस म्हणू की दुसरे काही

--- विशाल (१७/०७/२०१७)

एखाद्या अन्नपूर्णेच्या हातातून भाजीत उतरणारी चव अगदी शेवटच्या थेंबापर्यंत चाखता यावी म्हणून बोटे चाटूनपुसून स्वच्छ करण्यातली गम्मत ... हात खराब होऊ नये म्हणून एका हातात चपातीचा तुकडा घेऊन दुसऱ्या हातातील चमच्याने त्यावर अलगद भाजी ठेवणाऱ्या आणि भातात वरण/आमटी/रस्सा टाकून तो हाताने कालवण्याऐवजी चमच्याने वरचेवर हलवून खाणाऱ्याला कधीच समजणारच नाही ...
(मेस मध्ये समोरच्या व्यक्तीला असे खाताना पाहिले कि हसावे कि हळहळावे तेच समजत नाही)

विशाल (२३. ११. २०१२, ठाणे)

मैंने एकबार ख्वाबसे कहा

 मैंने एकबार सुबह आँख खुलनेसे पहले ख्वाबसे कहा -
"अगर आ रहे हो तुम, तो कुछ देर और सो लेता हू"

ख्वाब ने कहा -
"देख लो तुम्हारी मर्जी।
मैं आ तो जाऊँगा मगर भा जाऊं ये बोल नहीं सकता।

हो सकता है मैं तुम्हे ले जाऊं ऊँचे आसमान में चाँद पर या फिर समंदर की गहराईमे
या छोड़ दू वीरानेमे या डुबो दू तन्हाई में
देख लो तुम्हारी मर्जी।
मैं आ तो जाऊँगा मगर ....

हो सकता है मैं छेड़ दू वही धून फिरसे जो तुम गुनगुना रहे थे दिनभर
मिला दू उससे जिसे देखा था कल साबुन की ad में टीवीपर
या फिर से उभार दू कोई याद जो दिल के कोने में थी दफ़न पड़ी
दिखा दू वो खामोशीसे मुड़ा चेहरा, जुदाई की वो घडी
देख लो तुम्हारी मर्जी।
मैं आ तो जाऊँगा मगर ....

हो सकता है मैं प्यारा लगू या न्यारा
सुहाना लगू या डरावना
ये ना मेरे बस में है न तुम्हारे
मैं आ तो जाऊँगा मगर ....
देख लो तुम्हारी मर्जी।
"

नींद नहीं आती ... आजकल आँख बड़ी जल्दी खुल जाती है ..

-- विशाल (२१/१०/२०१६)