अशी पावसाची हि सर कोसळावी
तिची पाठमोरी मिठी घट्ट व्हावी
असे काही व्हावे कळावे ना क्षणभर
सरावे ना अंतर उरावे ना अंतर

आदमीका वक्त बुरा हो मगर इतनाभी नही गालिब
की हम चुहा मारना चाहते हो और तू नजर आ जाये
- विशाल

कोई नहीं यहांपे होश-ओ-हवासोमे, आधे सांजोमे गये और आधे नमाजोमे
दिलपे गुजरी है तो फिर दिलकी ही बोली बोलो, क्या रक्खा है चंद उधार के अल्फाजोमे

-- विशाल

तर्क - ए - मय ही समझ इसे नासेह
इतनी पी है कि पी नही जाती
--- शकील बदायुनी

समज हेच कि आहे दिली मी सोडूनी दारू
पिली आधीच एवढी आता अजुनी पिणे नाही
--- विशाल

जुन्या आठवांचे पाश तोडयलादेखील शब्द नाहीत
दूर जाणाऱ्या तिला पास ओढायलादेखील शब्द नाहीत
काय गुन्हा घडला ? का शब्दांनी पाठ फिरवली ?
रुसल्या शब्दांची समजूत काढायलादेखील शब्द नाहीत
--- विशाल

सजलेल्या मौसमाची चढलेली धुंदी
कोसळत्या पावसाची आहे रजामंदी
पण
बांधलेले हात माझे, हुकलेली संधी
चिंब तू समोर, मला पहायची बंदी

गर्दन कधीच तयार होती, सुळावरती कटण्यासाठी 
प्रसंग पुढचे खडे रांगेतून, क्रमाक्रमाने घटण्यासाठी
आयुष्य आमुचे इतके गांडू, उलट्या बाजूस पिळीत गेले
स्वतः  नाहीतर तयार होता, पीळ कधीचा सुटण्यासाठी 
--- विशाल   

चांगुलपणाचा फटका बसतो नित्य नव्याने आता 

संस्कारांचा विंचू डसतो नित्य नव्याने  आता 

कुठली नीती कसले संयम, चालू मनात विकार कायम 

लाज वाटते तरीही हसतो आम्ही नव्याने आता 

संस्कारांचा विंचू डसतो नित्य नव्याने  आता

--- विशाल 

जिथे राहिले भग्न अवशेष बाकी 

वदे  कोण त्या राउळाची कथा ..

पुजारी म्हणे ओळखीचे पुरावे 

न ओळखे परी देवतेची व्यथा ...

--- विशाल 

कधीतरी हल्ली सहज जाता नजर चंद्राकडे 

चांदण्यातील आठवणींशी चालू होती पुन्हा लढे 

पुन्हा तीच ती ओढा-ताण पुन्हा तीच ती रस्सी-खेच 

जुन्याच जखमा नव्या वेदना सोसायाच्या एकटयानेच 

--- विशाल  

"जपावे किती मी तुझ्या आठवांना 

नि स्वप्नांस तुझिया किती गोंजरावे ,

आसवांवरी तू नाव कोरले तुझे म्हणुनी  

पापणीत ओल्या कुठवरी सांभळावे" 

--- विशाल 

नात्यातील चुकलेली गणिते 

उरलेल्या बाक्या काही 

आयुष्य उभे वेचले तरी 

अजूनही उत्तर नाही 

--- विशाल 

तोडून गळ्यातील धागा, फोडून काळे खडे 

प्रिये ये ना पुन्हा ... परतून माझ्याकडे ..

---- विशाल 

रागावलेली एक कळी , तिचे फुगलेले गाल 

गालावरची चुटूक खळी  अजूनच लाल 

हसू नाही रुसू नाही फक्त ओठी हुप्प 

चार महिने झाले भांडून तरी अजून गप्प ?

--- विशाल 

एक सुरी, जी थेट उरी
पण मुठीवर तिचा हात ,
कळ कसली ? ही जखम असली
हातून तिच्या ....
.... क्या बात ?
--- विशाल

एक मुलगी आहे पाहण्यात तीला सांगू कसे ?

नाही मजा एकटे राहण्यात तीला सांगू कसे ?

भेटण्या बोलण्याचा सारा एकच निघे अर्थ 

पण हे रोज नव्या बहाण्यात तीला सांगू कसे ?

--- विशाल 

आखरीमे काम आए 
सिर्फ कंधे चार के..

मागुनी जे चालले तेही त्रयस्थासारखे..

इक हसी देखी थी लब ने
इक दुवा भेजी थी रब ने
क्षणभरीचा खेळ पुन्हा जाहलो ना पोरके

--- विशाल 

आम्ही गांडू कोणासोबत भांडू शकलो नाही 

प्रेम केले पण त्यालासुद्धा मांडू शकलो नाही 

बाता मोठ्या वाफा मोठ्या हवेत विरुनी गेल्या 

रडलो मेलो पण चौकटीस ओलांडू शकलो नाही 

--- विशाल 

भेसूर शांतता आजही तिच्या गावी 

कि जोखड मनात कुठवर मीच वहावी

हे गाव तिचे हेही मी विसरून गेलो 

मग ऐकू येते कुठली हाक निनावी 

--- विशाल 

महासागराच्या क्षितिजावर मावळती देतसे साद 

जे बुडाले डबक्यामध्ये ... त्यांचे बुडणेही बरबाद 

---विशाल